وتمرني
بعض الوجوه !
تنشد
عن التين وعدم !
ياماسك التين !
انقطف !
والشوك
مايرحم يدك !
وتمرني
مثل الضباب !
مايرحم الشوف
السراب !
ياثقلها ....
وخزة يدك !
ياكثرها وجوه الكذب !
تنشد عن الزمزم !
شفاء !
وانشد عن الوتر !
ودعاء !
مامرّت يدين المســا !
إلا وانا حابس
يــِدي !
الله ولا بعض الـبلاء !
والله ولا سمعة رياء !
ماكنت احسب إني كريه !
والشاهد الله ...
ماحسبت !
ماكنت اضن إلا نزيه !
أشمخ
من وجوه الكذب !
أبراي لله .... وأحتمي !
مليان به زمزم ...
دمي !
مليانه اطباعي شموخ !
ولاني بعد نسل الفخوخ !
أبراي لله ...
وأحتمي !
مليان به زمزم
دمي !
تنعتني وجوه الكذب !
بالقذف ... وبليا سبب !
ماينعت الشهم ... الأبي !
إلا لمن دونه ...صبي !
ياثقلها ...
لو تلتفت !
واقدامك بوحل اثبتت !
لا الناس ترحم شيمتك !
ولا صوتها
ياصل فمـــك !
في ذمّة جروحي ...
قهر !
إن الوجوه اللي حكت !
أسقيتهم
طيبة .... فرات !
وردوا لك ايدينك ...
رفــات !
ماكنها إنمدت لهم !
أو طبطت في عيبهم !
أو ساندت في
هزلـــهم !
ياوجه ٍ أضناه الخداع !
يابايع الروح بقناع !
ياملتقى كل الشتات !
يازفرة التتن الحرام !
في ذمتي ... لا ذمتّك !
شفتك صغير ... وقلت لك !
لاتطلع اكتاف الكبـــار !
يرمونك لــقاع البحار !
هالشوكه اللي وسط تين !
ماصابت إلا كذبتك !
تدري وش اللي يجبرك !
ماني بقايل معدنــك !
لكنّها ... كتوفي ثقال !
قلت: أحتمي واطلع بها !
تطلع بها ؟ بدري كثير !
اول تعلّم .... تحترس !
ثم أوعدك ... بقطف يدك !
ماني من أرباب الرياء !
ولاني بعد قاذف نساء !
كم يلزمك في زفرتك ؟
او بااختناقة شهقتك !
ورب التين
والزيتون !
ورب البيت والزمزم !
ماقول انا يمكن غلطت !
إلا أني أعطيتك [ حجم ] !