,
وش تســوي !؟
ياصديق الأمس ! شف جوّك وجوّي !
وين كان الصبر ؟ : أمس :
وليش صار البوح همس ! وصرت بالصمت متقوّي ..
,
وش نقول ! لموطن الروح / وهواه / وطيب ناسه !
مادرينـــــا ! وش نقووول ..
الحق وبرر لنفسك ,
قووول !
شاب القول فيـــنا
وأصبح لـ صمتك رسول .
,
اسق الارض بشفّ روحك
لجل مايعلن من اسراف الجفا قلبك يباسه , ولجل يبري لك جروحك
,
لاحكي ينفع ولا اعذار تشفع ..
ماحد ٍ حدّك تهاجر !
مادريت ان الغياب الموحش بيدّيه يصفع
وانّه بفعلته فاجر ؟
ياعزانـا فيك , وانت اليوم العايش !
لاتلقفك القدر باكر وباعد في لقانا ,
من تُرا يجبر عزانــا ؟
,
ظنك بنقبل عزا ! لـ َ انتهت رحلتك فينا !
وانتهينا
,