ملاحظة مهمة .. قد لا تهم أحد سواي ..
أدري يمكن فيه ناس راح تضحك ع هالملاحظة .. بس حبيت أفضفض .. مو مهم الي يضحك يضحك ..
اليوم بكيت كثير .. وتألمت كثير .. وحسيت بتأنيب ضمير كبيييييييييييييير ..
وأنا أشوف قطوتي تدور في كل زاوية في البيت وتشمشم الأرض .. تدور على أولادها الصغار الي وزعتهم ..
عورني قلبي من جد .. حطيت نفسي مكانها .. كان ودي أحضنها واقول لها آسفه مو قصدي ..
كثرت القطاوه في البيت وما كان قدامي حل إلا إني أوزع أولادها الخمسة مع إنهم ما راحوا بعيد ..
أعطيتهم أخواتي وإخواني .. بس من جد شي مؤلم إني أشوفها بهالحالة .. من البارح ما سكتت ..
وين ما اروح تروح وراي .. كأنها تبي تقول لي: وين وديتي أولادي؟ دليني عليهم ..
وانا بيني وبيني أقول لها .. آسفه والله آسفه سامحيني .. تمنيت إني أقدر أخليهم معك ..
يا ربي كيف أقدر أتخلص من تأنيب الضمير .. وربي أحس كل البيت كئيب ..
لدرجة إني كلمت واحد من أولاد اخواني المهتمين بالقطاوه وقلت له تعال خذها غصباً عني ..
ما أبي أسمع صوتها .. ولا اشوف نظراتها لي كأنها تعاتبني .. ما أتخيل ولا مجنونة .. ولا أبالغ ..
قلبي يعورني .. وش الحل؟ يا رب سامحني .. يا رب سامحني .. يا رب سامحني ..
وين أروح من عذاب الضمير .. وين أروح؟