مسألة وقت وتعدي ..!
مسألة وقت وتزين ..!
مسألة وقت وتستكين ..!
مسالة وقت وتمطر غيوم الحنين ..
ومسألة وقت وتجي ..أمنياتك البيضاء ياديم
يمــه ..
عدى الوقت .. ولاجت
وعدى الوقت .. ولا رحت ..!
يمــه ..
عدت سنين
وشاب الحنين
وغيمة أمنياتي هاجرت لـ منفى الإغتراب
وزرعت ورود الجفاء بدروب الإنتظار
وقست حيل وجفت ..
يمه ..
ماعاد فيني حيل لطعونها
ماعاد بقلبي مكان لشجونها
يمــه ..
مافي أمان غير حضنك
مافي حنان غير كفك
يمــه ..
أبي أنسى اللي كان
وأرتوى في برك ضمان
ولاتعدي
ولاتزين
ولاتستكين ..!