[سعد صالح المطرفي]

السلام عليكم ورحمة الله وبركاته

آسف على كل جريمة تأخير ارتكبتها بحق هذا المنتدى العزيز.

عربون متواضع لعله يشفعلي عن الغياب الغير مقصود.

ولكي ينال شرف وسمو ذوائقكم

[poem=font="simplified arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الوقت... يقلب وعادات الليالي.. تدور!! = وابن آدم... إنْ يرزَق.. فيرْزَق على نيّته!!
يا كم... مليكٍ هباه الله.. عيشة قصور!! = واصبح... ولحْد إعترف.. في حق ملكيّته!!
وياكم... فقيرٍ يا دوبه.. لو يحصّل فطور!! = واصبح... كثير الغنى.. من عقب حاجيّته!!
الله... ليامن رزَق يرْزقْك ..رزق الطيور!! = والله... ليامن منع.. يمنعْك خيريّته!!
والناس للنّاس... والخالق يحب.. الشكور!! = ولا يحب... الأناني من أنانيّته!!
والا انت... ياللّي تشارهني تراك.. امعذور!! = ماجاك... رمح الزمان.. وجتْك جنبيّته!!
لو ذقت... ماذاق خفّاقي.. فبعض الأمور!! = بتْعرْف... كيف الرجل.. يفقد مثاليّته!!
الصدر... ماهو على خبرَك وسيع... امحشور!! = ترّك شماله... عقُب عانق حجازيّته!!
لنّ... اغلب الناس بالهيئة.. شبيهة عطور!! = يعجبك شكله... ولكن ويش ماهيّته!!
وانا ...انصدمت بكثير وكم سلعه.. تبور!! = بس أقتنع... عن كثير الربح.. بشويّته!!
رجّال صامل... ولا.. عشرين رجلٍ هذور!! = يغنيك... بالفعل.. لو كَثْرت حراميّته!!
على كثر... ما قدرت اغْدر.. سريت امغدور!! = لنّي... ماحب الغدر ..واكره زبانيّته!!
فْيا زارع الزرع... قبل الزرع.. شوف البذور!! = اخاف... تتعب على زرعٍ.. تشّح فيّته!!
والرجل... صقّار ربعه ..والرفيق امخبور!! = اللّي... ليا انْخي.. بلسانه طرَت خيّته!!
وانا... اغلي من الرجال ..المستميت الجسور!! = المحتمي... والمثل يُضرب ..من احميّته!!
وانا... اكره من الرجال.. العنصريّ النكور!! = اللّي تبيّن... مع العالم.. حزازيّته!!
وانا... لياجيت احب آكون.. طاغي حضور!! = احسن من اللّي يجي... محدٍ درى بجيّته!!
امّا... اني آجمّل إسمي.. لاانكتبلي ظهور!! = او يلعن آبو الظهور... وتنلعن مَيّته!!
رجّال... والعقل في راسي... وصوتي جهور!! = ويمناي... من دون حقّي.. ماهي ابميّته!!
فْلا... صرت مرضي بشعري كل... صاحب شعور!! = قل للجماعه: (سعد)... تكفيه ربحيّته!!
[/poem]

سعد صالح المطرفي