[الموج]

أوَّل الصَّبحْ / أمْنِياتْ . . !
إنَّك تَجيِ ،
وتصلَح الليّ كسَّره ليلْ الغِيابْ ،
إنّي أشُوفَك ،
وارتَمي في وسَط قَلبَكْ !
ودَّي أبْكَي . .
ليِنْ دمعَي يُقول يكفَي . .
ودَّي أشكي لَك ، وأبُوح !
عَن غِيابَك ،
عَن قلبيِ ،
الليّ والله من رحَلتْ وهُو يبْكَي !
عن طفَلة . . جرَّح اللِّيل بجَفنها ،
عَن سَهرها . .
وحلَمها الغَافيِ بصَدرها . .
و عنّك أنتَ . . !

و أوَّل اللّيلْ انْكَسار . .
احتَضارْ . . !
انتَظرْ يمَكنْ تَجي . . !
بَسْ أنتَ وَينَك !؟
أنتَ أبَعد مَنْ سَما العُصفُورْ . .
واحْلاميِ كُثَر . .
إنَّك تَجي . . ؟
شيّ مَن خَيالْ ،
وإنَّك تعوَّد لي تَبينيّ
ما قَبلْ هاليَومْ صَار !!
كَنتْ مُدركْ . .
إنَّك أنتَ في حِياتَي . .
كنتْ ليِ مثَل السَّرابْ
أو قُول شَمعَة . .
بَس طَفتْ . . !
ومَن بَعد هالانْطِفاء . .
أنا ضَعتْ . . !
كَان بِيديّ . .
أهَجر دُروبَك وأعَيشْ
أقتَل طُيوفَك . . .
وأحبْ مثَلي جَريح !
غرَّني احْساسَك . . وجَيتكْ
أحمَل الحَبْ الصَّريحْ . . !
بَس للأسَف . .
حمَّلتنيِ هالحَبْ جثَّة . . !
وصَار صدريّ لَه ضَريحْ . .