ماقلت أحبّك
أبد ماقلت !
يمكن أحب السِما ...
وجهك !
يمكن أحبّ المطر ...
رمشك !
يمكن أحب الغيوم ....
إسمك !
يمكن ويمكن ..
ولا أحبّك !
إن قلت أحبّك ... مثل هالناس !
البارح ... أغرب ...
كثير ... أغرب !
مرّ الهدب والقمر
مغرور !
البارح ... الليل له رقصه !
حوريةّ البحر
تتمايل !
مالت على إبهامها ... سهوه !
والليل يرمي
فوانيســه !
.
.
ماقلت عنّك .... كثير أشياء !
ماقلت أحبّك !
وأنا أحبّك !
زحمة حكي
.... تربط إشفاهي
لاجيت أبنطق ... يفزّ الليل !
إسكت ....
وخلّ الحكي سهران !