[ريما الخالد]

صباحات الخير للجميع
صباحكم ورد وفل
اليوم الأحد 16/11/1431هـالموافق 24اكتوبر 2010م
الروتين اليومي يتكرر من الساعه السادسه الا ربع الى الساعه السابعه والنصف نفس الاشياء اليوميه
ونفس التعب والجهد وبنفس الطريقه لدرجة اشعر ان عقلي وجسمي تبرمج على ذلك الروتين
اكتشفت ايضا ان نفس العبارات تتكرر يوميا :
يالله اصحى لا تاخرنا (هذا لاخوي اللي بالمتوسط عباره يوميه تقال له بشكل تلقائي)
كويتي العبايه والطرحه / وين النسكافيه / شغل السواق السياره( نفس العبارات للليزا تسمعها يوميا)
يا ربي كل يوم اقول لكم ابي ملابس رياضه جديده حقت الفريق الايطالي (يقول اسمه بس ما حفظته هذا كلام يومي يقوله ريان اخوي اللي بالابتدائي)
ووووووووووو الصمت اليومي يلفنا طوال مشوارانا الصباحي الى ان نصل للمدرسه وندخل دوامة الجرس والطابور ومين غايبه وحصص الاحتياط ووو..........الخ
ووواخيرا أتنفس الصعداء واجلس بمكتبي واكتشف انني مجهده جدا !!!!!!!!!!!!!!!!