[محمد فرج]

[poem=font="tahoma,6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
متى يطلع قمرك ؟ ووين ؟ يا عطر الحروف وكيف ؟= متى يسري بك الشوق ويحول بك على ضفافي ؟

تعبت من السراب الي يذكر بالضما لا شيف= وانا اواجه لهيب القيظ من زود العنا حافي

عشقتك يا اعذب الذكرى وياندى من ليال الصيف =ليا ذابت شموع الليل وانساب الهوى صافي

عشقتك بسمةِ يشقى بها التصوير والتوصيف= تضيق بها القوافي كلها ويشيلها قافي

علي شانك عشقت من البلاغه صيغة التسويف =وصرتي نايب الفاعل وانا المنفي وانا النافي

دخيلك حطي لشيءِ جرى من بيننا تعريف =عسى برقِ ينوض هناك ياخذ مطلبه وافي

تمادي بالجفا بس ارحمينا من خراب الكيف =ترى هوج الرياح الصلفه وموج البحر كافي

انا لا زلت رهن البوصلة والموج والتجديف =ادور في متاهات الرجا عن صوتك الدافي

على وضح النقا ، ماهي على قول المثل حريف =عشقتك واعترفت ان اشتياقك أجمل اوصافي[/poem]