لمي حطامي في يديك وعطيني
عذرٍ ينام فـ عتمته (ذنب الأحباب)
البارحة .. عانق غيابك حنيني
وأشعلت للذكرى / تفاصيل غياب
البارحة طاحت من أهداب عيني
حبايب وذكرى / قريبين وأغراب
من صدمتي !! مرت عيونك تبيني
أكفّن طعون المحبين بأسباب
كيف أنصفك ؟واللي تركتيه فيني
ظلم ٍيشرّع للنهايات الأبواب
كم قلت لك : بين ارتيابك وبيني
حلم ٍ توارى في متاهاتك وغاب
مدي غيابك وارحلي واقنعيني
إن الوفاء كذبة محبين وأصحاب
وإني فزحمة مامضى من سنيني
عجزت لا القى لأصدق احساسي أحباب