[عبدالناصر الأسلمي]

يانايمة شوفي السهر
يسطع على عيون البشر
ينشر ثقافات الزمان
اللي مضى واللي غبر
هذا السهر لذة عشق
مثل المزايين الغجر
فيهم دلع فيهم اسى
فيهم مصابيح السمر
هذا السهر في حضرته
تجفل اغانينا العطر
والحانه الحلوة تجي
لقلوبنا مثل المطر

وفي الجهة الاخرى صدى

يانايمة شوفي الجفن
كله احاديث وشجن
شوفي شكثر فيه احتدام
اسراره وحتى العلن
كن الغيوم تكثفت
فوقه وتناغيه المزن
شوفي كلام العين عين
شوفي نجوم الليل جن
شوفي القمر ياهو قمر
لكن بصمته مفتتن
يانايمة شوفي الجفن
يانايمة شوفي الجفن