تزّهب الصُبح بدري قبل تصحى عفاف
******************* سرّح أسراب يومه سرب يتبع سرِبْ
ودوزن أوتار شمسه كان جداً يخاف
***************** ينفَلت ضي عابث عكس ما هي تحِبْ
وينزعج جفن طفله تختمر باللحاف
******************* لا زعجها شروق وصار ودها تسِبْ
مير كانت حريصه لا تسوي خلاف
****************** وينشب النور في نعسة جفنها نَشِبْ
فارقه في حلاها زاهيه ما تُشاف
******************* غير تفرك عيونك بين صدق وكذِبْ
حايزه اللي نقول إن ماتبقّى (كفَاف)
*********************** للورد والصبايا وللنسايم تهِبْ
ونقدر انّا نقول إن هالبنت اكتشاف
****************** للحلا وجات لجل الما قبلها تجِبْ
مرّت وصار نهر وصار حوله ضفاف
************* قبلها أرض جردا .. كان (( موطن لعِبْ ))