،
رحّ قل للأحباب ياللي شلت مرسولي
إني إلى الحين مع ذكراي أشهقهم
ياليت كل اللي يبيهم خاطري حولي
عشان لآ إحتجتهم.. أقدر أعانقهم
بعيد و أسمعهم بـ شوق(ن) يغنوا لي
أرهقني البعد عن داري .. و أرهقهم
أفتش وجيه ..هم ذولي ؟ ما هم ذولي !
في غربتي .. نفسي ألقاهم و أسرقهم
لا أحدن يلوّم علي إن طحت من طولي
فاقد أخوياي .. فاقد ناس أعشقهم !
هذا إشتياقي .. وذا حزني .. وذا قولي
أشتاقهم حيييل .. و أولهْم .. و أشفقهم
يا ضيقة الصدر بوحي عني .. و قولي :
لو هي بكيفي و لا لحظه [ أفارقهم ] !