اقتباس:
المشاركة الأصلية كتبت بواسطة سعد الصبحي
|
آآه يا سعدوو ,
ليته كان حياً ...
ليشارك رفيقيه أحمد فؤاد نجم ومحمد علي , الغناء والعزف مع أفراح الشعب ....
ومين اللي يقدر ساعة يحبس مصر ؟!!
اتجمعوا العشاق في سجن القلعة
اتجمعوا العشاق في باب الخلق
و الشمس غنوة من الزنازن طالعة
و مصر غنوة مفرعة في الحلق
اتجمعوا العشاق بالزنزانة
مهما يطول السجن مهما القهر
مهما يزيد الفجر بالسجانة
مين اللي يقدر ساعة يحبس مصر
تجمعوا و العشق نار في الدم
نار تحرق الجوع و الدموع و الهم
نار تشتعل لما القدم ينضم
لما الايادي تفور في لم اللحم
و اللحم متنتور في رملة سينا
و الكدب بيحجز على أيادينا
قدم العدو غارسة في لحم ترابي
و الكدب عشش مخبرين على بابي
و المخبرين خارجين كلاب سعرانة
بيجمعوا العشاق في الزنزانة
و مهما يطول السجن مهما القهر
مهما يزيد الفجر بالسجانة
مين اللي يقدر ساعة يحبس مصر
مصر النهار يطلقنا في الميادين
مصر البكا .. مصر الغنا و الطين
مصر الشموس الهالة من الزنزانين
هاله هاله و طارحة بدمنا بساتين
مصر الجناين طرحع مين يقطفها
مصر الجناين للي يرفع سيفها
اتجمعوا العشاق فـي الزنزانه
مهما يطول السجن مهما القهر
مهما يزيد الفجر بالسجانة
مين اللي يقدر ساعة يحبس مصر