طفله صغيره...
تبي تكبر !
ترسم على رمشها أثمد !
تنقش على أيدينها
حِنّا !
*
*
تحضن مراية ملامحها !
ترمي على ثغرها
توته !
تلبس على وجهها طرحه !
تخفي ملامح
برائتها !
تسرق عباة أختها
الكبرى !
قالت لـــــ أبوها .... أبـــــــــ أتزوج !
*
*
أستغرق الأب في دهشه !
أستغرب
الفعل من طفله !
يقرب من أيدينها
بشويش !
ويضمّ بنته وهو حاير !
من وين هذا الفكر
قولي !
قالت وهي خدّها أحمر !
وائل صديقي بيخطبني !
دايم يقول أف
لو نكبر !
وأتزوجك ... تقعدي جنبي !
نلعب أنا وأنتي
ونمرح !
ماهو مثل يومنا هذا ...
توي أشوفك ...
ويغفى اليوم !
وأصحى وأنا ملتحف شوقي !
والبس من الشوق
كرّاسي !
وبابا يسافر !
ولاأشوفك !
*
وأجلس وأنا منتظر بكره !
ويمر بكره
بلا بابا !
مدري علامه كذا بابا !
مع إنه سنين
ماشفته !
بس أذكر إني كثير أنشد
والمشكلة
صرت ماأنشد ...
من أطري أسمه
بكت ماما !
يارب يرجع لنا بابا !
عشان ماغيب عن
طيفك !
ساره ... نسيت أسألك حاجه !
تتوقعي وين هو بابا ؟
ماما تقول أنه مسافر
وأذكر طرت طاري الجنّه !
تقول بابا رحل جيزان !
وأغتاله الوحش ... ياساره !
والوحش
ظالم ويعصى الله !
لجل إن بابا يخاف الله
ويحب دينه ... وهمّ أرضه
أغتاله الوحش ياساره ؟
*
هنا بكى والد الطفله !
ثم ضمّها حيل في صدره !
وأتنهد الدمع
حاجبها !
رد بدموعه ... يتيم الطفل ! ؟