وانت وحدك
في الزحام
ما معك غير أحد
يموت في صدرك
كلام
يكفنه صمتك كمد
اطفي اشموع الأماني
لا تعاني
ادفن ابـ صدرك بلد
الوعود ..
كلمه تنطقها الشفايف
قلبك اللي كان خايف
ينتظر
ما يصدق أي وعد
وصمتك اللي
كان ساكن
يشتكي برد الأماكن
كلما يصرخ ابـ روحك
ما عدا همك يرد
رتب ابـ ذاتك .. حياتك
أمنياتك
ومهما مل الليل صبرك
سلم أمرك
الـ ربك الفرد الصمد
إن كنت ضدك أو معك
ما في غيرك يسمعك
تبعثرت فيك التهم
تبقى خصمك والحكم
وانت شاهد
الـ على نفسه شهد
في الزحام
ضاعت احروف الكلام
صوتك اللي .. كان عالي
مات في حضن الليالي
اتدثر ابـ صمته ونام
وما بقى غيرك معك
وجرحك اللي يوجعك
يسألك ويرد صداه
مات في صدرك بلد
مات في صدرك بلد ..