جميلة انتي انتي وردة النسريـن
ـــــــ كساك الحسن من شاله لخلخاله
تنفستي وذعذع لي صبا تشرين
ـــــــ تبسمتي وشـع البشـر بهلالـه
تناديني سعد واقـول ماتدريـن
ـــــــ سعد هذا وش اللي جاري بحالة
انا يبنية الكرمة صديـق اثنيـن
ــــــ بلادي وامنية لازلـت اسعالـه
وانا شعري نديم الكادح المسكين
ــــــ يكفكف دمعتـه ويدفـي امالـه
عصافيرالفجر والناي والبدريـن
ــــــ تمثل لي وطن مايجحـد عيالـه
نشيده ضحكتك وشعاره سراجين
ـــــــ وشعبه مايسير الا علـى فالـه
يمرماره لهذا الشعر لا تصغيـن
ـــــــ لانه نزف غاوي عقلـه هبالـه
يمرماره ذري من بسمته جرحين
ـــــــ وركب الامنيات اقفـى ولاشالـه
تظنيني عقـب تلويحـة الكفيـن
ـــــــ مواددع يحزم الامـه لترحالـه
انا ماوادع احبابي وهم مقفيـن
ـــــــ لان اللي احب الصـدر منزالـه
يمرماره متى هذا الجمال يليـن
ـــــــ ويانس وحدتي واغرق بشلالـه
احبك كان ماتدريـن لا تدريـن
ـــــــ لانه ماخسر من يلعـب لحالـه
,’
{..بـ نبض : سعد زبن