[تفاصيل منسيه]

السلام عليكم ورحمة الله وبركاته
’’’’
صباح / مساء .. الحب والسلام
,,,

قلب (1) واحد


يسْعِد مساك بـْشوق يا طيف إرْتمَى
فوق الضفاف اللي بها الموج إنـْكسَرْ

بـعـْيون فيها من .. تفـاصيل السمـَا
أشـْيـاءِ تـَأسِـرْ كلّ منْ فيهم نـظـَرْ

يا علّ عيني يا (حبيبي) بـالعـمَى
لوهي نوت تسْلاك وتـْغضّ البصَرْ

لي قلب واحد شفْ غرامك تيـّمَا
وإنـْتـَهْ تـكـابر كنّ ما عـندك خبَرْ

أتـْعبـْتني ويـّاك (تومي) لي (ومَا)
بالحبّ يا حبّ السنين المنـْتظـَرْ

جيتك أنا ((جملة معاني مبهمَا))
حوّلتني لأبـْيات من أحلى الصوَرْ

أنعشت قلبي وْصار في صدري كمَا
طيرن يحلق بين قطرات المطـَرْ

إسـْمع كلامي يا(حبيبي) وإفهمَا
صعبه نقارن بين نجمه والقمـَرْ

لي قلب واحد ما بـَحَاول أقسمَا
يا تاخِذه!! أو خلـّه لـْغيرك بشَرْ!!

ماكان عندي شرط في حبك و مَا
جيتك عشان أنـْسابَكَ آهات وْسهَرْ

جيتك لأن إحـْساسي بـْقربك سِمَا
يامن تخطـّى حبـّه حـْدودي وْعبَرْ

بعـْثرْت قـلبي لكْ,,أبيـك تلملمَا
بـيـْديـْك يا{رمز الغرام}المختصَرْ

يسـْعـِد مسا قلبـ ـنْ يذوب وكلـّمَا
شافـك تلعـْثم بالمحبه .. وأنـْصهَرْ

ويسْعِد مساك بـْشوق يامعْنى الضمَا
للـّي على ضـْفافـ ـنْ بَهَا المدّ إنـْحسَرْ

,,,,,,,,,
وسلامتكم