[بدر السويط]

تحية خاصه



لكم





[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا طميش ما ودّك نحرر فلسطين = و نثير في قلب اليهود الجزاعة !

نسطي عليهم مع قروم ٍ شياهين = و ندبهم دبة سنه بنص ساعه

و نجز روس ملفقين العناوين = الارض صارت في يديهم بضاعه

و نوجه الحمله على سور برلين = و نطبق انواع القتل و البشاعه

نحتل روما و انتعدى المحيطين = و نعيّش الغرب بعذاب و مجاعه

و ان كان فينا نفس حيه و نشيطين = و فينا على ما قيل بعض الشجاعة

ناخذ لنا صولة على الهند و الصين = و نهدم لهم سور ٍ كبير اتفاعه

و احكم انا !! و اقوم احط القوانين = ما غير تسمع قول " سمع ٍ و طاعه "

اعدم ملايين .. و اعتق ملايين = و انوّخ العالم بفن و براعه

الفلم خلّص وانتهن المضامين = نار ٍ طفت يا فلان قبل اندلاعه

حنا عرب !! ما فيه شك .. مساكين = نصنع شموخ ٍ بالسوالف صناعه

فينا الولد لا قال .. يحكم سلاطين = لسانه اطول لا حكى من ذراعه

تبي الصراحه عاد .. مامن فلسطين = خلني اقيّل يا فتى نص ساعه[/POEM]






بـــــــــــدر