وش قومك .. وش فيك .. ولا علامك ؟
قد لك معي كم يوم واعلومك علوم ..
وانا ادري اني يا مرآمي مرآمك
لو تقعد الدنيا ولا تقدر تقوم ..
عطيتني قلب وبخلت بـ
سلامك !
وش فايدة حبك وانا منك محروم ؟
لا عاد تزعل واحييني ببتسامك
ضحكك يزيل
اوجاع وجروح وهموم ..
وكلام عينك ما يهمش كلامك
كلام عينك كوم وحكاك لي كوم
لآغبت عن عيني رح انشد غرامك
تلقاك في قلبي مقلط ومحشوم ..
بعدين يا
آغلى الناس وفر ملامك
ترى الغلا يجفل على كثرة اللوم ..
دونك خفوقي ممتلي من سهامك
ولا شكيتك جرحه وقله النوم !
القلب مثل
الطير .. وفر حمامك
ان افلس اقفى للسماء يقلب الحوم !
لكن قبل لا آنسى بنبهك دامك
مسلم وباقي كم شهر ويدخل الصوم
لا يذبح الموضوع قل اهتمامك
طعني وشفلك شيخ يفتي لك اليوم !
ما ظنتي يا زين يقبل صيامك
ريقك عسل ..
علمني وشلون بتصوم 
؟!