يا بحر وش فيه موجك مالقى ذيك المواني ..
أو مواني ننتظرها خانت الموج وظنونـه ؟؟
أختلف وجه الحقايق بانت بـ منظور ثاني ..
ماهقيت أن الحقايق تلحق القلب المهـونه !!
جيت أدوّر ذكرياتي وأغلب أيام الأمـاني ..
مانسيت اللي مضالي ولا قوى قلبي يخـونه !!
نفترض لو هو تركني نفترض لو هو جفاني ..
نفترض وبكل حالة ضاق بي قلبه وكـونه !!
ما أصدّق لو سمعته لو يقول إنه نسانـي ..
لأن حبه في ضميري ماذبل واللون لـونه !!
لأن عهدي به يردد وين يـ الغالي مكاني ؟؟
قلت له في وسط قلبي معتلي بـ أعلى حصونـه !!
( .. )