[فجر الجميري]

,’

( لا تتعب الصوت ..! )

لا تتعب الصوت
اسكِتْ !
ما فيه أحد ا/بيسمعك ..
- مو قِلتْ <مِتْ> ! -
والحين جاي تركض ورى
همِّي ووراي ..
تجمع لي الكذب بسماي !
خلاص روح . .
ما عاد فيني احتمل
أيَّة جروح . .
صدّقني لما أستمع . .
بَعض العلُوم المايلة ..
أحس كنّ الجوّ كتمة
كنّي بوسط القايله . .!
لا تقول مَآ . .
أقسى قِسَاك . . !!
هذا بعض ما عندكم
نقطة بـ فَضَـاك . .
لا تقول أبي فرصة
أعيد كل شيء كان . .
وش هو إلي كان !
وش هو إلي كان !
كنت وحدي ، ،
إيـه وحدي ، ،
| أشتكي | هذا الزمان ..!
والحين صِرتْ أحسن كثير . .
كل شيء مِنْ حولي مُثير . .
قمت أجاوبني بنفسي
على أسئلة جوّات نفسي !
عجزت عُمْر أحلّها ،،~
أذكرني مرّه قلت لك . .
بعض الوجيه فراقها
أجمل كثير .. !!
واليوم وجهك ضمنها !!
صدِّقني وجهك ضمنها !!

,’