من بين روس النايفات العسيرات
رقيت لي شمَّاً طويلة عسيرة
إخترتها من بد كل الطويلات
من شان تشهد لي على المستديرة
اللي تدير بنا على غير مشهات
من ليلها المظلم لشمس الظهيرة
سلام يافايز من الذات للذات
يالصاحب اللي ماتخيَّرت غيره
أنا هنا بين الثرى والثريَّات
متمسِّك بحبل الحياة القصيرة
بالله بشِّرني عساك بسلامات
يالله عسى عينك بعينك قريرة
الشاعر القدير / سلطان الوثر
..........................
يامرحبا يابعد الاحيى والاموات
.... ياخير ربعي والعرب والعشيره
سلطان هذا ماكره بالسماوات
.... طيرً حرار وله مخالب شطيره
اليا كفخ يبعد بكل المدارات
.... عزيز نفس وله عيونً بصيره
يا صاحبً له بالحنايا مقامات
.... سلامنا ياصلك في كل ديره
انا بخير وصحتين وتحيات
.... وابشرك عيني ابعيني قريره
وياطير ماتثنيك عنه المسافات
.... وصل لسلطان الغلا بكل سيره ...
تحياتي يابو سعد ... واشواقي الحاره