ناس ٍ عن اعراض العرب ما يعرضون
ودايم على نفس الشكل والشاكله
في سلمهم اولا بالاكل الاقربون
واطيبهم اللي صيدته شكواك له
يدعيهم الشيطان للذنب ويجون
هذا يقطع له وذاك يواكله
يا جعلهم فدوة ثر الغض الفتون
اللي على الدرب الطويل اخطاك له
طيفه الى نام البشر زارك بهون
وطيفك الى نام البشر سرّاك له
حبه دفان ومقبرة خضر الطعون
بين العظام العوج كنك تاكله
اللي كذا حبه لو تموت مغبون
ولا لك الا الصبر وش وداك له
( محمد بن فطيس )