الى ارواحكم
من جديد نصيح ونطش الذنوب
الله الله يامفـــاهيم البــشر
اعدل الدفه على صلف الهبوب
وين اروح اللحين والقبله صخر
اختناق الروح عيا لا يذوب
في سرابيل الزمان المندثر
ان شكيتك عوق تطلعلي قلوب
كلها نفس الطريقه والاثر
همشت روحي وسيعات الدروب
والمسافه بينا رحلــة عــمر
هيه ياللي من عنادك ما تتوب
المحاني وسطها كومة جــمر
لا تعلق في مغاليق الجيـوب
تهمليني مع مراويح القــدر
الغلا والله شربته كوب كــوب
شوفي اسمك واشمه وسط الصدر
ان ضحكتي قلت يالريم اللعوب
السما والارض تضحك والقمر
وان شكيتي هلت الدمعه صبوب
والفضا من دمعتك .. شوفي شمر
من غيابك في محانيه شعوب
كلها تشكي المجاعــه والفقر
شتت الحاضر مجاهيل الغروب
في مواقيت الحضور المنتظـر
وسلامتكم