[مشعل فايح]

البارحة.. شاي الوله ما تخدّر
عيّا يبين الشاي.. في كاسة الشاي
لمست قلبي.. ما تذوّقت سكّر
لمست عيني.. وقتها ساخن الماي
مدري وش اللي يا حزينة تغيّر
اللي مضى لي راح. واللي بيجي جاي
مرّت احبك حبر.. والليل دفتر
وهبت من الشباك.. نسمة لذكراي
يا غرفة الوحدة بك الصبر جمّر
وروحي جبال الثلج ما سالت بكاي
امدّ لك غصنٍ من الضحكة اصفر
سقفك صغير لبوحي ونبض شكواي
نبضي طفل يكبر ويصغر ويكبر
وشلون قلبك طاوع الطفل لرضاي
انا السفر مسجون فيني وعمّر
لا مات في سجنه ولا فارق اعضاي
ابقى لمن.. للي هجر ما تعذّر
والا لمن كان يتصيّد بي اخطاي
والا لمن.. لا قلت تعبان كبّر
كأنه يصلي الشكر لإحساس فرقاي
انا تعبت.. وهالتعب ما تخدّر
يارب.. تكسر في يدي.. كاسة الشاي.