معدل تقييم المستوى: 3836
اقتباس: المشاركة الأصلية كتبت بواسطة سكون هل تعلم أن الذئبه الانثى أكثر شراسة من الذكر وبالذات عندما يوجد لديها صغار نفس الشيء عند الأوادم ملك الغابة اغلب من يهتم بعلم الحيوان والغابة له وجهة نظر مغايرة عن كون الاسد ملك للغابة فمنهم من يرى ان النمر هو ملك الغابة وليس الأسد معللاً بذلك إلى ان الاسد كسول فـ اللبوة هي من تصطاد الفريسة لزوجها وابناءها ( بعض الناس مايستحي يخلي المرة تصرف عليه ) كذلك فإن الاسود لا تعيش في الغابات وانما تعيش في السهول بمعنى انها لا تستحق لقب ملك الغابة لانها لا تعيش فيها ( واضح دور الإعلام مع الأسد ) وجهة نظري مبنية على قصّىة الأرنب والنمر والاسد .. يقولك فيه ارنب في غابة يدوّر اكل وهو يدوّر لقى له قارورة مسكر قال تمام هذي السهرة ضمنّها باقي العشا بس اباخذ لي جغمة ابل فيها ريقي وبعدها ادور عشاي اخذ الجغمة شوي وهو منسدح من الدوخة جاك النمر يتمشى ولقى الارنب منسدح جمب القارورة قال بس هذي السهرة والعشا والم فقال اباخذ لي جغمة اروّق شوي وبعدين ابفصفص عظيمات الارنب .. شوي الا هو منسدح جاك الاسد يتمشى ولقى الارنب والنمر منسدحين جمب القارورة قال ايه بس هذا المطلوب عشا وسهرة وسوالف نمر فقال مثل ماقالوا المنسدحين اباخذ لي جغمة امخمخ واتعشى واقوّم النمر يسولف علي شوي الا وهو منسدح وصاروا ثلاثة منسدحين الاسد والنمر والارنب جمب القارورة اخذو وقت على هالحالة وفجأة صحى الارنب وتاثير المسكر لايزال عليه واخذ يناظر شوي بالاسد والنمر والقارورة وقال .. هذي مشكلتي لاشربت الا اخرّبها اخربها : يعني هو اللي مصفق الاسد والنمر ومسدحهم فصدقوني ملك الغابة هو الارنب