[صالح الشملاني]

المشاركة الأصلية كتبت بواسطة سعد المشعبي

بعد الصلاة على النبي


مع التحيّة ... للغالين

ومساكم جوري

حَرفي العذب بين ارخِصك واقدّرك
انحِنائِك تَعآلي و إعْتِلائك ذليل

ودّك تهّد في قَفْر الخلا ندّرك
لكن الصيد في قَفْر الخلا مستحيل

مرّك الغيم واقفى عَنْك ما عبّرك
ذِقت جرح الكريم إن صد صدّت بخيل؟!

مُلهِمَةْ حَرفي العطشان ويش أخرّك ؟
يا كِثر ما سكبتك بالورق سلسبيل

إقرُبي ناظري بعيوني (إ)تخبرّك
إن مالِك بعد طول الليَالي بديل

شاعرِك لو حَقرْه الوَقت ما حَقّرك
والزمن لو يِقِل أصله أببقى أصيل

حَافظِك في حَناَيا الصْدر ومشَطّرك
لِك بصدري مساحات وشموخ وصهيل

مبطي اعتّق الفكره ابا اعّطرّك
واقدِعك شُوق وآقهويك الاشعار هيل

يا كِثر ما انكسَر عُودك وانا اجبّرك
وانتي إن هَب شِعري قَام عُودك يميل

يَغرق الوَصف في وصفك ولا صوّرك
أقبلي شَمْس ولاّ اقفي تِجرين ليل

سعد .. مثل هذا الحضور تمطر السماء
نص شاعر شاعر متمكن فخم جداً

هذا الشعر الأصيل الحقيقي من فتره كثير نفتقده الله الله عليك
وصح الله السانك
وأهلاً بك في أبعاد الأدب