ألــــف قـلـــــب
أعمل ايه في الحب يعني
أعمل ايه في الحب!!!؟
قلبي داب م الحب والله
وشعري شاب م الحب!
نفسي أشوفك نفسي أضمك
نفسي أشيل يا حبيبة همك
نفسي أعيش أيامي جنبك
آه لو أملك ألف قلب!!؟
آه لو أملك الف قلب
كنت أرسم فيها صورتك
كنت أزرع فيها اسمك
كنت أعيش علشان أحبك
بيها وأملا الدنيا حب
آه لو أملك ألف قلب؟
حتى لو كانت معايا
ألف قلب ماهيش كفايه
حبنــا اجمــل حكايــه
في زمن مبقاش يحب
وآه لو أملك ألف قلب
حبنا من ألف ليلة
كل حاجة فيه جميلة
حتى لحظاته الحزينة
فيها شوق ودلال وحب
يبقى أعمل قوليلي
حتى لو فيه ألف قلب!؟
الشاعر : عمرو عماره
من ليالي جدة 2003 م