السلام عليكم ورحمة الله وبركاته ..
يطيب لي أن أبدأ مشوار الضوء معكم من الحيّ القديم .. من الطفولة ..
والشكر كل الشكر لأستاذي \ عبدالرحمن الرشود على تشريفه لي بالدعوة ..
غبيرة يازمان الشعر وعروش الصبا والغي
............................... سلام من الحنين اللي نقل موته على اكتافه !
ياحيٍّ كنت ( حيّ ) وصرت في عيني مجرد حيّ
......................... سكك .. ماتت حنين .. وليل عربد في السما تافه !
سقى الله والقلوب نظاف وثياب النوايا ضي
.......................... مع خلٍّ ... يخاف من الرماد ... وجمرة اسلافه !
سقى الله يوم نبغى كل شي وما تحقق شي
........................ سقى الله ... يوم يشعلنا الغرام ... ونحرق أطرافه !
سقى الله يوم جات وكنت اردد .. هي ؟! ماهي هي !
.......................... بغى قلبي .... يكذب وصفها ... من هول ما شافه
وصل فيها الغنج .. حدّه .. وجت تمشي شوي .. شوي
............................. وانا ... خابر حبيبة خافقي .... عجلة وخوافه !!
يلاعبها ( الهوى ) مثل ( الهواء ) وتطيح بين ايدي
................................. مثل غصنٍ .. يميل به الثمر .... ليدين قطافه
توصيني ... على عذقٍ .... تساقيه المزون المي
............................... وانا ( ماني ح ــرامي ) واعرف الله زين وآخافه
محمد علي العمري