مره يمر ،مره يفر
وأفتشه
حب ووصل
وأنده عليه،أمسك يديه
وأقول له أمتى تمر !
.
.
أحن أكثر وأرد أشتاق أكثر
ــــــــ وأهيم أكثر مع سكة حنيني
وأنا هالليل مو ليلٍ أحسه
ــــــــ أحسه غيم يمطر وسط عيني
نظر عيني من الأمطار ينبت
ــــــــ سنابل تبعث الآمال فيني
أبيه أكثر من الأكثر ولأجلي
ــــــــ يجي مشتاق لعيوني يبيني
أحس العمر ومضة حب عشته
ــــــــ معه لحظه تعادل لي سنيني
ضيا وأحساس وأنفاس المشاعر
ــــــــ تجيني بليل شوقي تحتويني
ياعصفورة صباحي لا نويتي
ــــــــ على التغريد في غصنك خذيني
بغرّد في شروق الشمس وأنده
ــــــــ صدى التغريد مابينه وبيني
يبيني دايماً أكون أجمل
ــــــــ وأنا يمه بكل لحظه أبيني
أبي أقطف أغاني من عذوقة
ــــــــ وأبي يقطف بيدينه شوق تيني
يا اما أجيه مثل الغيم وأمطر
ــــــــ أو أنه يرتقي الغيم ويجيني !