[اهداء الى سعيد موسى ] !!
"
قالت [ اماني ] يا محمد آباطير !!
قلت الفضا يشتاق عرضه وطوله
قالت اطير بخير وارجع على خير
قلت الفضا صدري ولااحدٍ يطوله
مدي شعوري للفجر للنواوير
دام الحنين اليوم باحمل فصوله
ياكم كتبتك فوق هالغيم تعبير
قصة مطر في روعته في هطوله
كل النوايا بيض واحساسنا طير
ظني السما عذرى وروحك خجوله
شفتي هذاك الشوق بين العصافير
لاهو مثل شوقي ولاهو بحوله
ياني اشوفك غير واتنفسك غير !!
ياني كرهت البعد عرضه وطوله