هارب ...
كل شي هنا يذكرني بسجاني
الشوارع والبحر
الحدايق والزهر
محلات الهدايا
كل الأماكن هنا كل الزوايا
تخنق هواي
بقيود صنعها من دمر كياني
هارب...
وانا كلي اماني
اني انساه
اني لولحظه اسلاه
اني ما أتنفس هواه
والمشكله انه هنا موجود بين المحاني
مدينه مليت فيها الجلوس
مازادتني الا ضيم ووجهٍ عبوس
غادرتها مشتاق لذيك المعالم
بداية الخط السريع توصل بالسلامه يانادم
وانا بطريقي للعاصمه
جرحي رميته وقلت لين ارجع بصير مخاصمه
صوت فيروز
هـذي العجوز
من عرفت الحب وأنا أحبها
تطفي النار بعد ماسجاني يشبها
رفيقتي بالسفر
سلوة احزاني في وحشة ظلام الليل وغياب القمر
ياما سامرتني بصوتها الشادي على شط وامواج البحر
ماعلينا
الحين ابتدينا
غنت وانا هايم
وصحت فيني أمل نايم
بكتب اسمك ياحبيبي
عالحور العتيء
بتكتب اسمي ياحبيبي عرمل الطريء
بكرى
بتشتي الدنيي
على الاصص لمجرَحه
بيبئى اسمك ياحبيبي
واسمي بينمحى
بحكي عنك ياحبيبي لأهالي الحي
بتحكي عني ياحبيبي لنبعة المي
ولما بيدور السهر
تحت إناديل المساء
بيحكو عنك ياحبيبي وأنا بتنسى
وهديتني ورده
فرجيتها لصحابي
خبيتها بكتابي
زرعتها عالمخده
أهديتك مزهريه
لاكنت تداريها
ولاتعتني فيها
فضاعت لهديه
بتئلي بتحبني
مابتعرف اديش
مازالك بتحبني
ليش دخلك ليش
جاني اتصال
رفعت الجوال
وطيت الصوت
من الفرحه قبل ارد قلت احبك موووت
هذي امي
هذي تاج راسي وقلبي ودمي
مساء الخير يايمه
لك وحشةٍ مايستوعبها الفضاء ولا الكواكب وهي متشتته ماهي ملتمه
شخبار أبوي وخواتي
شخبارك انتي ياغناتي
يمه وحشتني ريحة البيت
تراني ادعي لكم في سجودي اذا صليت
بضحكةٍ نستني جروحي
قالت هلا بضناي هلا بروح روحي
بتنور الدار ياولدي
ياقطعه خذوها من اجسدي
لاتسرع فديتك
وانتبه للطريق ترى ماحبيت احد كثر ماحبيتك
تحت امرك ياغلاي
يانور وضَاح في ارضي وسماي
يمه مادورتي لي زوجه ترى ياميمتي مليت!!!
بنت الحلال لقيناها ومعلمتك من أول يوووه ياوليدي ياسرعك نسيت
بسرعة الهارب من الموت
غيرت الموضوع واختنق فيني مليون صوت
يمه وش طبختي لي اليوم ترى لين الحين مادريت ؟؟؟
غدانا الطباخ اللي تحبه بتعرف وش مسوية لك اذا جيت..
مع السلامه يا ولدي
مع السلامه يا بعدي
بكيت...
ورحمة امي
اللي شايله همي
همها اتزوج وتشوف اعيالي
وانا اتبعك يا سبة اهبالي
هو قيدك بيديني سحـر
والا اللي سحرني عيونك يا سجاني
هو انا مفتون بعطـــر
والا جنون الحب عن فرقاك اعماني
هو انت ودك انتحــر
فك القيد وارحل ترى امي بسبابك اتعاني
وصلت للعاصمه
لاجرحك رميته ولاني مخاصمه
انت فيني وادري انك ما تبيني
عسى الفرح عقب جورك و فرقاك يحلق في سماي ويستعمر سنيني
نـــادم