[حسين آل صمع]

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انتِ وهم للفرح وافراح لاوهامي = اقلب الهم صفحه من عنا صفحه

وردت للما وعود خاطري ظامي = لاهو حصل أعذبه ولا انسكب ملحه

رضيت بالقل واتنكرت لاحلامي = وسدت ذيب الهوى في داخلي رمحه

كتب لك / ابتهجتك والشعر حامي = على امتداد الورق مسترسل بطرحه

حتى النشر ماسالته رغبة اقلامي = دامك خيال القصيد ولي على قدحه

ضليت / قدّيت / مبصر / غاويٍ / عامي= يوم الخطاوي لدربك شفتها سمحه

اتسائلك واسئلك حولي وقدامي = واللي يكود بنظرك اعفيك من شرحه

ولازعلتِ زرعتي الليل بايامي = ورضيت ظلمك علي من جرحه الـ.جرحه

لخبطتي اربع جهاتي وايمن الشامي = ويتحول الشي الـ.لاشي في لمحه

على المواعيد صرت اثبت اقدامي = ارضي غرورك على ماعفت من شطحه

غديت مجروح من رجليني لـ.هامي= لا ارضاك ليل الصبر ولا نفع صبحه

عفواً اذا قلت : ذبحك غير اسلامي = القلب لامات وش ترجين من ذبحه؟

لا انتِ بلد هيمنه ولاني بلد نامي = ولا كل الاخطاء سهل افكر بـ. دمحه

اقري ذهول المطر في دفتر اوهامي= واذا وصلتِ لهمي اقلبي الصفحه

دام الكرامه تجي في قمة الآمي = بـ . يموت فلاح قلبي ماقطف قمحه[/POEM]