[عبدالعزيز بن عائض الشهري]

بأسم كل من يستحق هذا الحق و تم إغتياله من قبل المسئولين بوضع عراقيل و حواجز و مستنقعات طينية لتعجيز من أمر لهم ملك الخير و الإنسانية بهذا الحق و فوق هذا كله يتوعدون من يرفض حضور دوراتهم التدريبية ليصبح او تصبح عامل او عاملة في مجالات لا يرضها هو لأحد أبنائة أو بناته بعقوبات لم يصرح عنها معاليه و لكن أملنا في مليكنا الغالي أن يصحح مسار هؤلاء المستعبطين ..

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا مواطن و عندي رأي ما قلته =بقول رأيي و يدي صافقة يدي
يا شلة الأنس كلٍ هابشٍ حته =بقوا شويه لجل ما يحترق كبدي
كفيار تاكل و باقي الشعب عالفته =يا ويحكم بس حدي وصلٍ حدي
الجوع كافر و يا ما شاتني و شته =و من كثر شوته أحط إيدي على خدي
قالوا بنعطيك حافز قلت لو نلته =الفين بالدين يا حظي و من قدي
قالوا نبي عهد قلت اشلون لو خنته =و خذت حافز و لا سددت وش حدي
اجلد و اسجن الين اسد قامته =و ما تسدد أجهز نعشي و الحدي
فن الّلكاعة قريته لين ختمته =يعني تعلمتها من منطلق جِدي
من أجل أعيش فـ .. زمان لبق و العته =و اثنينهم يشربون الدم من زندي
صار الموطن يحزر شخته و بخته =يتسول الفرح يومه عنه متعدي
و أنا مواطن و ليه حق ما خذته =من حقي أعيش من جهدي من كدي
و فر لي الشغل و رمي الباص فالسته =تشوف إني مهدف ما حدٍ قدي
بس أعطني شغل لا تعجنه وتلته =أقل ما فيه يحفظ قيمتي عندي
ياخي الغلابا هموم الوقت خانقته =مو نا قصينك و يكفي الحظ متردي
و الله ملكنا له البيضا متوجته =بس البلا من علوجٍ بيحوا سدي
يا سيدي حن عيالك و الرضا حزته =بكفوف الخير فوق الشعب تمتدي
ترى هدفهم خراب اللي أنت أنجزته =يا طيب القلب ياللي فايضٍ ودي
يا أول الطيب يا أوسطه و اخرته =بنفوس شعبك سكنت العين و الكبدي
يا صدق القول ياللي الشعب ما هنته =يا راعي الشعب وقت الجزر و المدي
إنتَ ملكنا و شرع الله حكمته =شيل العلوج بـ .. قرارٍ صيرم الحدي
[/poem]

شعر / عبدالعزيز بن عائض الشهري ( المرتجز )

11 / 12 / 2011