[شهد الدوسري]

بسم الله الرحمن الرحيم

قد أغيب ولكن لا أعلم ما يترك الغياب بي قبل أن يحكم علي !
وبعد حكمه أُضطّر لتلبية مطالب الواقع قبل الإفتراض !
فـ عُذرا لكم الغياب !

وإليكم ما كان من سَابق !

- زوّد الطين بلّه!

أبوي سافر وانثنى البال ويّاه!
...... وأنت رحيلك زوّد الطين بلّه!
قلبي تهكّر والخطا صاير خطاه!
...... و العقل صاحب مدمعي لين هلّه!
ناظر هنا في خافق الصبر مأساه
...... ضيقه وهمّ وضايق الحال شلّه..
خلخال ظلمك طوّق القلب ذكراه!
...... قرقاش صوته من وجوعي يتلّه.
استلهمك فكره وقصه وملهاه!
...... ضحك المتابع من جنى ألف علّه!
واستآثرك بالصبح لا جيتني آه !
...... أغيض بك زفرات الأنفاس شلّه
عفت السهر و النوم لأجل المساواه
...... بالحلم أشوفك واللقا الشوف كلّه
قلبي على جال البكا طوّل شكاه
...... ضيّع بقايا وقفته ضاع ظلّه !

ويل حالي لا سمعتالوآتس آب..
...... ...... قمت أدور له حروف أشوفها!
قلبي المغرم تعنّى لين شاب
...... ...... رمش عينٍ ثقّله مذروفها!

بأبكي معك دام البكا كل مالي !
...... وبآخذ دموع الجرح من لبّ عينك !
دامك تبي ترحل على رثّ حالي!
...... هذي زكاتك وأنت حُرّ بسنينك!

صاحبك لو صدّ شافك بالمنآم!
............ يا اللي قلبك بين دقّاته تكى..
صاحبك لو يآصلك منّه سلام!
............ ينفرج همٍّ بصدره ما بكى.
لو يضايق صاحبك بعض الكلام!
............ والله إنّه من غرامك ما شكى..
صاحبك مجنون شايقه الملام!
...... ...... ردّ له روح اشتياقك لا بكى..

قهر يسكن شرايين الخفوق وينسف الراحه!
...... قهر عيّا يخلّي حالة القولون ع الهادي!
قهر دمّر/قهرشتت ... معالم صمت لوّاحه/
...... قهرينسف بقايا صبر في ترنيمة الشادي

هي ليست وليدة اللحظة بل كانت في تويتر كذلك ..
إليكم السبب يليه ما جاء بعده .. =)

أحسّ بـ أنّي رُغم الإحساسْ مَا أحسْ ..!




أحس بأني رغم مااحس الاحساس
احساس حسي حس الاحساس حسه

الناس ما تشره على جملة الناس
اليا حكت بعض الشوايب مدسّه

اليا غدا حجم القبيلات مقياس
ضاع التفاضل بين قرم ومخسّه

اليا غدا لك بين الأنذال جلّاس
عزّ الشعور اللي نذولك تمسّه

القلب يهوى و المعاليق محياس
و اليا فقد مغليه نبضه يعسّه

اللي بقى مع ضايع الوقت الأنفاس
واللي تنفّس وجعتي قال بسّه

حنا نكابر لو يغطينا الاحساس
واللي يبي يشتاق قلبي يحسّه

أحس بأني رغم مااحس الاحساس
احساس حسي حس الاحساس حِسه

تعبت أنساك وأتعثّر بعالم كل ابوه إياك!
...... تعبت أعيش بك كذبة(غرام انسان يهواني)
أحبك حيل يابعد الوجيه اللي تجي ذكراك
...... أموت أهواك ياضلعٍ من الأحزان دفّاني
معك طعم الوفا ميّت وطعم المُر صار خطاك!
...... معك لا زالت الدّمعه تهلّ الجرح بأعياني

شيلوا غرامَه مَع التحليل (فكّوني)..
...... دمّي تبرآني عشانه مَا رحم حَالي!
غطوا عيوني إذا تقوون غطّوني!
...... تعبت أشوف الخيال يجيبه قبالي

جَميع مَ اسبق من الـ شهْد الدوسري‘
وَ عذرا لـ الإطالة ..!