[علي الحسني]

من القديم

[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ماني أول مذنب الدنيا تغطيها الذنوب = ولاني آخر سارق بدنيا الظما والمسغبة
إيه أنا سارق شعر ولا نويت إني أتوب = ودي اروى دامني ظامي من الشعر اعذبه
ودي اشري من فقيرٍ فرّ من نفسه هروب = شاعرٍ حظه ردي مايوم حصل مطلبه
ماقدرت اشريه مثل الناس لجل اني مغلوب = حالي افقر من فقير ولا معي ما أكسبه
حيلة المضطر لامنه تحدته الكروب = ولا وجد غير ارتكاب الصعب لازم يركبه
من يقول انه ورث شعره من اسلافه كذوب = الشعر ساعة تجلي والمواجع تكتبه
وادري ان البعض ضاقت به فسيحات الدروب = مايبي قول الصراحه والصراحه تتعبه
إيه اقر واعترف من يقترف ذنب وعيوب = يكتبه ذنبه ويظهر لو يحاول يشطبه
استرقته من عيون الغيد والنظره تنوب = عن تفاصيل المشاعر سرها ماتحجبه
من صهيل الخيل والتاريخ يوصف لي الحروب = والبطل ماغادر البتار صهوة منكبه
من تعابير الوجوه اللي يلونها الشحوب = واجمه من خوف يتم وجوع ذل ومتربة
من شعور الحزن يوم الشمس مالت للغروب= يوم ودعت بغياب الشمس يومٍ ما ا صعبه
من خضار التين والزيتون في أرض الجنوب = من عبير الورد والريحان والزهر اكتبه
لاسجع طيرٍ وغنى وانتشى الدوح الطروب = وقامت غصونه تمايل شوق مما يطربه
ماتلاقيني هناك ولا هنا قلبي يذوب = يغرق بدنيا الهوى واسقيه عشقي واشربه
خل هالعالم يقولوا عني اسرف بالذنوب = دامني شاعر وقلبي يحكمه من يسلبه

[/poem]