,
نامي وأنا مثلك بنام ..
يمكن بليله نلتقي ، لو مرّه بالأحلام !!
وتخيليني بعد .. غافي بجنبك !
وأبيك تتخيّلي :
أنك تضمّيني ، وبس داري شعور مخدتك !
مدامها من ريش ... ضمّيها بس بشويش !!
هذي المخدّه مو أنا !
ياذا العنا ، أنا هِنا وحيد وأنتي تشتكي حبيبتي من وحدتك !
إذا فقدتيني فقدتيلك أنسان
يحبك أكثر من حياته وروحه !
يزعل عليك أحيان ويسامح أحيان
ماهو بغامض لو جهلتي وضوحه !!
وإذا جرحتيني ترا الشغله أدمان
حبيبك أصلاً ممتلي من جروحه !!
تعلم يعالج همومه بكتمان
حتى ولو أن الملامح فضوحه !
أكثر بعد غيبي !
وناديني بلحظة حنين :
حبيبي ، حبيبي ..
ولاتحتري مني جواب !
مثلك أنا غايب !
لكني مدري وين ؟!
ولو يوم أنا رديت ، أو جيتك ورديت ..
أكذب على نفسي !!
أصلاً ولا ظنيت اللي مضى يرجع !
أو أننا نرجع أحباب زي أول !
أقسي بعد أقسي ..
زيدي عليّ أعتاب !
في هالزمن منهو مو قاسي ؟!
من أحباب ؟!
حتى أنا وأنتي ، ما عادنا أحباب !!
.