[بسمة الخالدي]

.

**

( الأصدقاء ) هم أوطاننا الصغيرة الكبيرة ..


ما أن يغيبوا ..حتى يتسرب شعور الغربة في داخلنا و إن لم نظهره للآخرين ..


.................................................. ... !

الوطن وِحدة و دمعاتـي مسافـة ..

.. .. .. .. و الألم زادي و يلزمنـي اشيلـه ..

يا منـى ماعادنـي قـد الكلافـة ..
.. .. .. .. ولا بقى فيني لهـذا الهـم حيلـه ..

المطر لا مَـاذكر اني كنت اخافـه ..
.. .. .. ..لين غابوا / بلل الحرمان شيلـه ..

التحفهـا لا غـدا هالوقـت آفـه ..
.. .. .. .. كود تحميني من الحزن و قبيلـه ..

من رحلتي كل شيٍ صرت اعافـة ..
.. .. .. .. من رحلتي و الزمن يلعب بذيلـه ..

من رحلتي قلبي يشكي من جفافه ..
.. .. .. .. من يعزيني في بعدك و برحيلـه .. !

كنتِ حولي / كان همي حيل تافه ..
.. .. .. .. من رحلتي جاب لي هالهم عيلـه ..

شفتي وجهي صارت البسمة لحافه ..
.. .. .. .. مو فرح لكنها خـوف الفشيلـة .. !

ما ابي ينقال و ا كبـر الحسافـة ..
.. .. .. .. كيف وردة و ذبلت من كـم ليلـة ..

الوطن( غربة ) و هالذكرى مسافـة ..
.. .. .. .. و قلبي منهم تايهٍ منهد حيلـه ..

.