يسعدني المشاركة في هذا المنتدى الراقي..
وشكراً لمن دعاني ! 
اكتب قصيدة مابقت لي أغاني
بعض القصايد من وجعنا : أناشيد
حروفنا ذيك السنة شي ثاني
كل ماكتبنا يابحر موجك يزيد
من شفت فينا مالمحته يعاني ؟!
حَضنتنا دمع .. ابتسامات .. تنهيد!
جالس هناك بْـــ آخر الشط : هاني
تعبان في قلبه حزن يفرك الإيـد
موشرط من إسمه تحبــه : تهاني
أكيد ما حسّت غْيابه والأكيـــــد
فيهم حكاية حلم فيها : أماني
وأبسط أمانيهم يحبون لــ بعيد ..!
تطرب مسامع هالقلوب بثواني
تذوب مع موج الأمل روح وتعيد
لــ النبض احساس ٍ يشد المعاني
شعور يحيي بــ أغنياته : مواعيد !
اكتب تعيش بــ هالقصايد : أغاني
في عين طفلة يابحر : تشبـــــه العيد !