أمرّك يالوجع
عادي !
وأنا رافع لك إيديني !
ومرّ الخد !
وأحداقي !
وأنا بفتح لك ذراعي !
أنا أكرم من يِد
الساقي !
تهزّ الكتف ؟
لا والله !
تهزّ الناس ؟
شـ العلّه !
وإذا يعني ..
وإذا كفّي !
ــ تعب كمّي ! ؟
نحل جسمي ! ؟
وإذا يعني ؟
وربك كم تحملتّك !
وكما أوميت وأزعجتك !
وكم ياكم ... تأففتك !
ولا أذكر
ضقت وأوجعتك !
ولا هنتك !
ولا خنتك !
بسيط الدمع يــا حزني !
بسيط إن فاض بك شعري ؟
بسيط إن ضقت من ثوبي !
من أزراري !
ومن ترسيمة الضحكه !
ولا تاصل بك ... لعزّي !
أنا ماأطلبك أكثر !
أبي من حضرتك ... تحذر !
إلى من شفتني واقف !
دخيلك
لاتمايل بي !
وخلك بينك وبيني !
أنا لك بالكرم
شهمٍ
يصونك ... لآخر إيدينه !
وإذا شفت البشر ... حولي !
دخيل الله ... لاتظلم !
أنا من عادتي واقف !
دخيلك
لاتمايل بي !