[صالح الثبيتي]

[POEM="font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا بنت ما بين السطور انسـان ملله الغيـاب = شوفيه كان الوقت يسمـح والليالـي تمهلـه
اخذيه من يأس المحبه كان لدعوه استجـاب = خليه يروى ضاميـه قبـل العطـش لايقتلـه
الحزن ضمه والدموع استسرجت عد وركـاب = بانت خطوط الطول في وجنات خـده مقحلـه
جسمه نحل والخوف لاصارت حياته انسكـاب = يـم الطريـق اللـي يـؤدي للهلاك ومدخلـه
تذكري وش لون كان الحب يفتح الـف بـاب = واليوم من هـم المحبـه كـل بابـاً يقفلـه
رسمت لك من صافي ابيات الشعر ما يستطاب = وهديت لك ورد الخفوق وكل شـي موصلـه
حرمت عيني من لذيذ النوم عاندني وطـاب= نومك وكنـه ماحصـل شيـاً لقلبـك مرلـه
رقيت بك فوق البشر عليت بك فوق السحاب = عيشتك الحلم الجميل ان كان منتـي جاهلـه
اليوم جيتي في ظلام الحلـم تقريـن الكتـاب = بانت سطوره عابسه من اخـره ليـن اولـه
كل الحروف اللي قريتي ياغناتي لـك عتـاب = حتى العتب فيها تري من ما ظلمتـي منهلـه
الله يا وقت التخاذل كيف شاب الحـب شـاب = اصبح على هاك الطريق اللي تشوفه منزلـه
بين الحطام يعيش لحظاته وكنـك مـا تهـاب = موته كـذا يـا غايتـي حـرام هـذا مقتلـه
وان كان ما بين السطور انسان ملله الغيـاب = أقري حروفه كان هذا الوقـت باقـي يمهلـه [/POEM]

وسلامتكم