:
:
:
:
حديث اغراب
[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحة والمسا معنا=والخوف لقلوبنا جلباب
اجسادنا في مضاجعنا=وارواحنا ليلها محراب
كن الملامح تطالعنا=والسقف والنافذة والباب
مستغربة من مواجعنا=ماتسمع الا حديث اغراب
مستلهمة من مدامعنا=حزن المساجين والغيّاب
البارحة كان يجمعنا=فرقى وغربة وذكر احباب
ياما وياما تنازعنا=فالبارحة والكلام عتاب
وياما وياما توادعنا=ويضيق بوجيهنا الترحاب
وبالضحك ياما تراجعنا=نزعل ونرضى بدون اسباب
وياما ضمينا وكم جعنا=وياما السهر فالليالي طاب
عيّا القدر لا يطاوعنا=عيّا القدر والقدر غلاب
البارحة في مطامعنا=ودى الأمل بالكلام وجاب
للظن بقلوبنا معنى=والظن في بعضنا ماخاب
وان كان ضاع الامل ضعنا=وتكسرت فالصدور انياب
وطحنا وطاح المسا معنا=وكانت حقيقه بقلب كتاب
اغراب توحي مسامعنا=والحزن بارواحنا ينساب
اغراب والليل يجمعنا=اغراب عشنا ضما وغياب
اغراب لو كان ما طعنا=ونموت تحت التراب اغراب[/poem]
:
:
لكم جميل التحايا