,
أجمل خبر بين الخلايق تسرّب
لو سبّب لبعض الخلايق طواري !!
واحد حسود وألف واحد مخرّب
يبطون ماشافوا هبوط أضطراري !!
الذيب بـ أوكسير الفرنسي يدرّب
وغيره عجز حتى يدرّب حواري !!
حنّا معْه بـ أرواحنا لو تغرّب
يبقى هو النجم الكبير الحضاري !!
( ميرسي ) مايحتاج حتى تعرّب
شكراً من الأعماق وأن كنت داري ..
أنك تبي من أيّ شكراً تهرّب
لأن فعلك شي ماهو أختياري !!
أسمٍ من الانجاز ياما تشرّب
ولا جا مجاله كل أبونا نماري !!
ماهو الهلالي بس , الكل جرّب
مواقفك ياللاعب الأنتحاري !!
تبي الصراحه عاد ياذيب قرّب
بقول شغله وأنت عارف وداري :
المنتخب لو يوم قدّته مدرّب
معاك يرجع للمنصات ضاري !!
بعد أعتزالك جد شرّق وغرّب
أصبح هبوطه للأسف أضطراري !!
.