ستـــــرة الحب
خياطة : نور سالم
اسمك كذا لا مـَر بي كنـّـه [ ابره ]
والقى بأثر مرورك بصدري [ ثقوب ]
احس قلبي [ يشبكـه ] عرق جـره_
_عن الهوى واحس به [ ينشبن ] نوب
بين الألم والوجد يخيط صبره
ويعيش [ يرقع ] في الأمل حلم [ مشذوب ]
والذاكرة [ تغزل ] من الشوق [ مكره ]
اشعر بعقلي [ خيط ] واهن ومسحوب
أن جيت [ اشّده ] يقطعه حد فكره
ولا ارخيت شدّه للوجع دمع مصلوب
يا ليتني [ طرّيت ] للجرح صدره
يمكن [ اشقق ] سيرة [ الوخز ] واتوب
مليت و [ اخرز ] في المواعيد بكره
و [ ازر ] في حلق المعاذير مطلوب
ليتك [ تخيّط ] [ ستـــــرة ] الوصل مره
او ليتني [ صوف ] الجفا [ اقرضه] [ ثوب ]
ولو كان من شق الوفا فض سره
هالقلب عذره بالوفا كان [ مرتوب ]