السلام عليكم ورحمة الله وبركاته
مبارك عليكم الشهر الكريم وكل عام وأنتم بخيـــر آل أبعاد .
[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
السنين تمر والوقت ما ترحم عصاه = كل يوم يمر ياخذ من العمر الكثير
الحظوظ تبور والحلم ما يصدق نباه= والنفوس تعيش بين التوهم والمصير
وان تواجهنا مع الصبر يعطينا قفاه= وان سكتنا وقعّ الكي فالضلع القصير
والخطايا مالها عذر في ركب الحياه = غير بامر الله وحكمه يصير اللي يصير
الأساور طهر قلبي وشرع الله عباه = والطعام الذكر والشرب تهذيب الضمير
والعلاج المصحف وستر جرحي بالصلاه = والصيام الغسل للذنب والدنيا بخير
رحمة الله واسعه واطلبه وافر رضاه = يمحو الزله ويمنحني الخير الوفير
اقبل الشهر الكريم وخفوقي في حراه = لأجل اطهر خافقي من غثا الوقت المثير
ياالهي بلغ امتك شهرك في رخاه = وأسدل الأمن وتياسير من خيرك بشير
يالهي كل مؤمن على عفوك رجاه = وانت مال العبد عنّك مفر ولا مطير
اسألك وارجيك وأخضع ندم واقول آآآه = من خطايا غفلتي يا سميع ويا بصير
وأنك تهيء لي الصبر لا ظلّم سماه = كل ما أذكر كاسب الطيب والسيف الشطير
روحّت عشرين عام ودموعي من وراه = لا هدى بالي ولا شفت بالدنيا نظير
آه يا ابويه خذتك المنايا والوفاه = كسرّت حيلي وخلت عيوني تستثير
الفراق المر يا ابوي وين القى دواه = رحت عني واصبح القلب من بعدك كسير
اسأل الله يرحمك ويتولاك بذراه = وتسكن الجنه وتلبس من السندس حرير
ما يهين القلب ويعوّر الخافق شباه = غير فرقا الموت والحزن يصبح لك خشير
[/poem]