[فارس مهدي]

المشاركة الأصلية كتبت بواسطة م.خالد الدوسري

هذيان اللاوعي:



فجاةٍ نركض على (قوس القزح) والقرب قمة...لين نوصل بالاماني كوكب الحلم الكبير

تمرد على الحرف:

قلت: يا محبوب حلمي عابرٍ والعمر كلمة...اجمع حروفي بداية كل لفظ : الا الاخير



[POEM="font="Simplified Arabic,5,black,normal,normal" bkcolor="transparent" bkimage="./images/backgrounds/18.gif" border="none,4,gray" type=1 line=0 align=center use=ex num="0,black""]كل ليلة/ القى جنبي طفل يرسمني بحلمه=ويرسم احلامي غيومٍ سود وحصان وغدير
طفل / اصم وكان حلمه..يسمع (آحبك) من امه=يومها ماتت ومات الحلم في قلب الغرير
يرسم ويبكي وتمسح دمعة الحرمان رسمه=ماعدا وجهي ويجري فوقه الدمع الغزير
حينها كن الهوى شيخ رمى فالحضن عمة=وقال: تكفى, داخلٍ في وجه عهدك يالامير
شلت ذيك اللوحة المذبوحة بسكين همه=لوحةٍ لون الفضا فيها مثل لون النظير
وانتخيت ومحزمي كان الوفا..والعهد همه=وامتطيت حصاني اللي من كثر شوقي يطير
متجه يم الغدير اللي حبيبي كان يمه=اسرع من الريح وسط (اعصار كاترينا) الشهير
مرت الذكرى تضاريس الطريق وصحت بسمه=والصدى من فوق ذاك الغصن صوتي: فز طير
كل شيٍ في دروبي يذكره ويبوح غمه=وين ماوديت (وجهه) شفت وجهه لي مسير
الظلام اللي سكن بين الشجر بالعين قسمه=وخدته تصدر اشعة ضيها ماله هجير
وشعره الشلال لكن كفي مايقدر يلمه=لون ماه اشبه بلون الليل في عين الضرير
لو بصق وسط المحيط الاطلسي ينساب طعمه=اعذب من الما الفرات واحلى من (صافي) عسير
الفراشة: لهفتي له..وزهرة البستان: فمه=وقفت فوق الرحيق / الريق وامتصت عصير
لو شفايفنا تلامس..تختفي بالكون عتمة=وينغرس بصدر رمحٍ من عطب رمشه خطير
ولامسح صدري بكفه يختفي جرحي ودمه=يطلق قيودي بعدما كنت في حبه اسير
كيف مايجرح برمشٍ يخرق الفولاذ سهمه=خد انعم من نعومة / ملمسه مثل الحرير
اه..ياريح العطر لو يختلط مع ريح جسمه=لا..بدون العطر نفحه...ازكى من نفح العبير
سكرتي: لاجا يداعب شعري بكفه واضمه=وقبل اصابعنا تداخل تصبح الغيمة سرير
كيف الاصمخ ماسمعه..وصوته المبحوح نغمة!=وكيف الاعمى مانظره..وضحكه النور المنير!
الحبيب الحلم عشته واقع وعايش بحلمه=تصطدم الارض بعطارد لو يفارقها العشير
يستحق الحب من قلبٍ يموت ولا يذمه=من يقول (الحب اعمى) شوف حبي له بصير!
اسال: اوراق الخريف اللي تساقط لجل نسمه=فوق كفه ثم تحول ورد: ياعله بخير؟
اللقا: هم الحجير اللي توفت بنت عمه=والامل: شمعة تلاشى في مهب جرح الضمير
لو للدرب الوصل امان ولو للجرح الهجر ذمة=كان ماعشت العذاب المر بالوقت المرير
اقبلت سود الغيوم اللي سما دربي تطمه=كنها وشاحٍ يغطي عين شمسي لا تنير
وصاحت بسمعي صواعق...قلبها مافيه رحمة=وموقفي بضبط كان: يصير ولا مايصير؟
انجلى شكي بجذعٍ خر دوني مثل نجمة=وطحت من فوق الحصان اللي من الضربة كسير
فجاةٍ نركض على (قوس القزح) والقرب قمة=لين نوصل بالاماني كوكب الحلم الكبير
ينتظرنا حصان ابيض عاشق للاصعب مهمة=لو سلكنا به دروب الموت مايخشى / يسير
فوق خدي صبت امطار الحزن من هول صدمة=صدمةٍ تطرد ضباب الشك عن وجه المصير
وفتحت عيني بدمع اللي ترك بالقلب بصمة=فاتنٍ فترة غيابه...صرت للموتى سفير
شفت له وجهٍ مموة..لمحته اشبه برسمه=يشكي الفرقا ودمعة داخل عيوني يحير
قال: احبك كثر ما ترسم ليال الوصل بسمة=(كثر) ماظني تطوله بالحكي كلمة ( كثير )
قلت: يامحبوب حلمي عابرٍ والعمر كلمة=اجمع حروفي بداية كل لفظ : الا الاخير[/POEM]



:By

خالد الدوسري...او...غريب الروح

أمريكا- شتاء 2006

صح الله السانك


رائعه من رائع



دمت بهذا النبض الرائع