أبي أصغر
كمان أصغر
يمر العام
ولا أكبر
بعد أكثر
وهم أكثر
أبي أدلل
أبي أتمخطر
أبي ها الكون لي لعبة
وورد الكون لي يزهر
وأبي الضحكة تلازمني
بأعلى صوت تتفجر
أقول أيوه
أقول لأ
وأطنش {يعني : لايكثر
وأحقق حلمي بدمعة
أو صرخة
أو حتى بليا جهد
يتفسر
وكن الكل لي خاتم
أقلبه بإصبعي الأصغر
وإذا ما ودي هذا الشي
كأنه ما كان
ويتبخر
وإذا ودي
يزيد ودي
وتامر بس ،، وأنا أأمر
وأشيل الكاس ويتكسر
يمدوا اليد ع الشفة
( شقية ياناس هالثكر )
يمر اليوم
وتغفى العين
ويجي باكر ولا أتذكر
ووو
أبدأ يومي بدقة
عنيفة فوق ما أتصور
أفز بقومتي بسرعة
وأحوقل بس وأستغفر
على صوت(ن) يناديني
ترى الميعاد متأخر
أقوم ألبس
وأجر الخطوة وأتجرجر
ولا كني قبل هالصبح
كنت صغيرة أتمخطر