[تفاصيل منسيه]

السلام عليكم ورحمة الله وبركاته

أحبتي في الله

صباحكم/مساؤكم..سعاده وإنسجام وراحة بال بإذن الله..

أبيات بسيطه علّها ترتقي لمستوى ذائقتكم الراقي..

أقول::

الغضب أعماك عن أشيا كثير..

قمت تجرحني بلآ أدنى شعور

كنت قاصد بإتهامك لي (تثير..

مشكله) تثبت بها إنك غيور

اللي مثلك ماأظنّ إنّه يغير..

يحسب إن الكون في فلكه يدور

لا تكلمني عن(إحساس)و(ضمير)..

وأنت قلبك ينبض بْشك وْغرور

النعامه طير لكن مايطير..

والفراشه تحسب إن النار نور

أمثله حيّه على أشيا تصير..

بيني وبينك لها وقع وْحضور

حبنا إحساس(مجهول المصير)..

وْحولنا من جارح الكلمات سور

الزهور اللي تكون بلا عبير..

صعب أقارنها معا باقي الزهور

والكذب قالو بإن حبله قصير..

رغم هذا حوّل أكواخ لْقصور

لآ تجاملني بإحساسك كثير..

جامل بكلْ شيّ إلا بالشعور

ــــــــــــــــــــــــــــــــــــــــــــــــ

وسلامتكم