[سليمان المانع]

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
عمرى غلط كله وياكثـر ماخطيـت=وياكثر ماكثر من خطـاي ظلمونـي
لو ماترجـى رحمـة الله توفيـت=من كثر مافاض الندم مـن عيونـي
كان القلوب بيوت ماعاد لى بيـت=يالغربـه اللـى ماتعيشيـن دونـي
أدمت مخالب وحدتى ضحكتي وجيت=أحمل معك ذكـرى لناسٍ نسونـي
بيض النوايا مرحبـا لا تقهويـت=من سودهن والكـل مـا سامحونـي
كيف أفهم اللى صارلي لا تجليـت=وأمعنـت بالتفكيـر لا فـي جنونـي
أشعر بأني كنت فى مرحلـه ميـت=لكـن حييـت وتـوهـم يدفنـونـي
يا للعذاب السرمـدى مابقـا ليـت=والطيش والحظ التعيـس وضنونـي
يـارب لامنـى ذكرتـك وصليـت=وذكرت عفوك وأنت لاضقت عونـي
ضحكت ضحكت طفل لاهى وسجيت=ماهمني لـو البشـر أخذلونـي[/poem]